Fuel poverty

Sa United Kingdom, Ireland at New Zealand may tinatawag na fuel poverty na ang kahulugan ay ang kahirapan upang mapainit ang tinitirahan tuwing tag-lamig.

Dito sa Pilipinas may fuel poverty din.

Pero kabaliktaran sa mga nabanggit na bansa, maraming Pinoy ang hirap upang mapalamig ang kanilang mga bahay tuwing tag-araw.

Una ay kahit gustuhin man ng mga Pinoy na gumamit ng airconditioning, hindi nila kakayanin dahil napakamahal nito para sa pangkaraniwang Pilipino. Idagdag pa ang gagastusin mo sa kuryente at tiyak mamumulubi ka.

Feisty Cristy

Cristy Ramos

Maraming nagsasabing si Cristy Ramos ang anak na lalaking hindi naibigay ni Ming Ramos sa kanyang asawang si dating heneral at pangulong ng Pilipinas na si Fidel Ramos.

Nangungunang dahilan nito ay ang pagiging "matapang" ni Cristy at ito ang dahilan kung bakit siya binansagang Feisty Cristy.

Natatandaan ko pa noong panahon na pangulo siya ng Philippine Olympc Committee (POC) ay walang inurungang laban si Cristy, laluna ang mga bumabatikos sa kanya.

Ermat

Kapag may dinaramdam ka sino ang naiisip mo  ?

Marami na kasing pagkakataon na kapag dinadapuan ako ng sakit, ang nanay ko ang naiisip ko. Automatic iyon. Naiisip ko agad si Ermat.

Sigurado kasing alam niya ang gagawain kung paano maiibsan ang nararamdaman ko. Iba talaga ang mga nanay, haplos lang ng kanilang mga palad ay parang nawawala na ang sakit na iyong nararamdaman.

Sa mga pagkakataong ganoon, mararamdaman mo kung gaano kahalaga ang iyong ina sa kabila ng mga isinusumbat nating pagkukulang niya.

Ayaw kasi natin ng pakialamerang nanay, madaldal na nanay, mataray na nanay o kaya ay istriktong nanay.

Naranasan kong lahat ito sa nanay ko. Nakikialam sa buhok ko, dinadakdakan ako kapag may mga ginawang iresponsable, tinatarayan kapag may mga pagkakamali at itinatama sa tingin niya ay wastong ugali.

Pero nong napaaway ka sino ba ang kakampi mo? Parang shock absorbers natin ang mga nanay, sila ang tumatanggap ng mga kaldag sa ating buhay di ba?

Pirata

"Good artists copy, great artists steal." Ito ang pamosong quotation mula sa yumaong si Steve Jobs, na kilala bilang founder ng Apple ang kumpanyang nagbigay sa mundo ng Machintosh computers, iPod, iPad, iPhone at iOS.

Nabanggit ito ni Steve Jobs dahil aminado siya na walang isang tao ang may monopolya sa ideya kung paano bumuo ng isang bagay. Kailangan niya ng ideya mula sa ibang tao upang makaimbento ng isang bagay.

Digital rights

Dapat bang magbitiw ni Sec. Ronald Llamas dahil sa pamimili ng pirated DVDs?

Puwede ko itong sagutin ng pabalagbag sa sabihing bakit ka magre-resign sa isang bagay na ginagawa ng marami?  Puwede ko ring sabihing jologs lang gumagawa niyan kasi puwede ka namang mag-download, he he he.

Pero bago natin sagutin iyan ay pag-usapan muna natin ang basehan ng isinusumbat kay Sec. Llamas na diumano’y paglabag sa batas na bumbalot sa “intellectual property right”. At upang maintindihan natin ang isyu, kailangang maintindihan muna natin kung ano ang sinasabing “intellectual property right” o IPR. Saan ba ito nagsimula? Paano ito ginagamit upang maprotektahan diumano ang “inventors” at kumpanya na gumagastos sa research upang makabuo ng bagong teknolohiya, sangkap, gamit, gamot, pelikula, at awitin.

Philippine coffee

Nagpapasalamat ako sa aking ama dahil tinuruan niya akong magkape. Nagsimula iyon noong nagpapatimpla siya ng instant coffee. Siyempre, tinitikman ko muna upang malasahan kung ayos na sa panlasa niya.

Dahil sa aking pagiging masunurin, nakabuo ako ng sariling panlasa sa kape at kung paano ito titimplahin.

Pero nagsimula akong mag-aral ukol sa kape nang buksan ng isang kaibigan ang aking pag-iisip na ang instant coffee ay itinuturing ng mga talagang mahihilig sa kape bilang "kalawang", hindi dahil sa kulay at lasa nito kungdi dahil sa dami ng chemicals sa instant coffee.

Wish ko sa Year of the Dragon

Year of the Dragon daw ang 2012. Parang nakakatakot pero interesting din naman. Nakakatakot kapag literal mong iisipin na may mga dragon kang kakalabanin sa 2012. Interesting kapag ang naisip mong dragon ay ang mga napanood mo sa movies o TV.

Itong 2011 na tinaguriang Year of the Rabbit ay dumaan na parang WALA LANG. Dumaan lang. Parang walang nangyari.

Pero masasabi ring dumaan ito na may nakita tayong mga pagbabago.

Bastardong Hurado si Renato

Matalas ang dila, matapang na pananalita. Tila isang kanto boy na nanghahamon.

At ginaya pa ni Chief Justice Renato Corona ang istilo ni PNoy. Nagtalumpati sa wikang Pilipino.

Pero tila hindi kumagat ang drama ng mahaderong hurado. Kaysa makakuha ng simpatiya, mukhang lalo pa itong kinutya at pinagpiyestahan ng batikos.

Mangingisda, nalulunod

Nalulunod sa nakaliliyo at naglalakihang alingasngas na balita ang kasalukuyang kalagayan ng mga mangingisda sa Pilipinas.

Bagamat may mga batas tayo upang sumusuporta sa mga mangingisda, na siyang naghahatid ng mga talakitok, lapulapu, tuna, galunggong, mayamaya at iba pang isda sa ating hapag kainan, masasabing hindi naman ito naipapatupad.

Hindi rin nakakatulong sa mangingisda ang paglalagay ng mga fishpens sa iba't ibang lugar sa ating karagatan dahil tanging mayayamang negosyante lamang ang may kayang mangapital sa mga katulad nito.

Mugshots ni GMA

Ang mga mugshot na ito ay mula sa mugshots.com

Makikita ang mga mugshots ni GMA sa itaas. Ito ay mula sa mugshots.com, isang website na ang niche ay mag-post ng mga mugshots ng mga kilalang tao sa buong mundo.

Hindi ko alam kung paano nakuha ng website ang mga larawang ito. Pero alam naman ng karamihan na ang mga larawan ay nabibili upang mailagay sa mga tulad nitong websites.

Ilibing ang EPIRA

Nakuryente ka na ba?

Ito ang seryosong pinag-usapan namin ng mga katropa nitong mga nakaraang araw. Pero hindi ang usaping nanginig ka ba nung makuryente o naunat ba ang buhok mo nang madali ng mataas na boltahe.

Palpak si Lucio

Photo from http://la.indymedia.org/

Bilang suporta sa Philippine Airlines Employees Association (PALEA), binibigyan ko ng espasyo sa blog na ito ang privilege speech ni Akbayan Rep. Walden Bello nitong Okt. 3, 2011 sa Lower House ng Philippine Congress. Ipinagdiinan ni Cong. Bello kung bakit dapat imbestigahan si Lucio Tan, isa sa mga Taipan ng bansa, dahil sa kanyang pagmaltrato sa mga manggagawa.

Utanginanyo

May ipinoste akong artikulo sa blog na ito nitong Agosto 2 na ang pamagat ay Ulan at Kape.

Sa blog na iyon ay isinapupliko ko ang aking wagas na pagmamahal sa ulan, gayundin ang unti-unting pagguho ng pagmamahal na ito dahil sa hagupit na idinulot nito sa mga nabiktima ng mga pagbahang dala ng mga ulan ni Ondoy.

Reprint ng Manila Bulletin column ni James Soriano

MANILA, Philippines — English is the language of learning. I’ve known this since before I could go to school. As a toddler, my first study materials were a set of flash cards that my mother used to teach me the English alphabet.

My mother made home conducive to learning English: all my storybooks and coloring books were in English, and so were the cartoons I watched and the music I listened to. She required me to speak English at home. She even hired tutors to help me learn to read and write in English.

In school I learned to think in English. We used English to learn about numbers, equations and variables. With it we learned about observation and inference, the moon and the stars, monsoons and photosynthesis. With it we learned about shapes and colors, about meter and rhythm. I learned about God in English, and I prayed to Him in English.

Ospital at Rehas

Usap-usapan ang muling pagbabalik ni Gloria Macapagal-Arroyo sa ospital dahil na-impeksyon ang unang operasyon ginawa sa kanyang leeg. Nilagyan ng titanium brace ang kanyang leeg upang itama ang anomalya sa mga buto na nagpapasakit umano sa kanyang leeg. Ayon sa mga doktor tila ito sinusundot ng karayom.

Nang marining ko ito ay napadasal ako. Hiniling ko sa Diyos na kanyang tulungan ang mga doktor upang mapabuti ang kalagayan ni GMA. "Iligtas mo o Diyos ang pinakakurakot na pangulong nasilayan ng bansang ito."

Kahit hindi ako Kataliko ay muntik na akong mapamanatang magnonovena ng paluhod sa Pasay at magsisimba sa Quiapo tuwing Biyernes.

Luha at poot

Nang mabasa ko kung paano at bakit nagpatiwakal si Atty. Benjie Pinpin ay lumuha ang puso ko. Pero nung nabasa ko ang mga suicide letters niya sa kanyang asawa, anak at ina ay napuno ng galit ang buong pagkatao ko.

Hindi lang nakakapanindig ng balahibo bagkus nakakagalit ang mga pangyayari.

Narito ang isang abogado na naghahangad ng magandang buhay, maayos na career at mabungang kinabukasan para sa kanyang pamilya at mga anak pero napilitang isuko ang buhay dahil nasangkot sa korapsyon.

Nabahag ang buntot

Mabuti na lang at hindi ko ibinoto itong si Migz Zubiri noong 2007.

Dahil malamang masasayang lang ang boto ko sa kanya. Isipin mong nag-resign dahil aniya'y nasasaktan ang kanyang pamilya sa mga chizmiz na damay siya.

Mga chizmiz ito na aniya'y idinadawit siya sa dayaan noong 2007.

Bwahahahahaha, sabi ko na nga a eh, walang bayag itong si Migz. Sa tingin ko nga mas maganda pa siya sa misis niyang hindi maitatawang pang-beauty queen ang beauty.

SONAbabits!

Nagustuhan ko ang talumpati ni PNoy sa kanyang ikalawang State of the Nation Address (SONA).

Dahil Pilipino at minsa'y balbal pa ang kanyang ginamit na wika, naniniwala akong naintindihan maging ng pangkaraniwang mamamayan ang kanyang mensahe.

Nakakatuwa ang mga salitang UTAK WANGWANG, TONGPATS, MADYIK, BUWENAS, 5-6 at DELIHENSIYA. Gumamit pa siya ng NAMAN upang bigyang diin ang kababaan ng ipinapakitang kinikita ng mga propesyunal sa bansa upang hindi magbayad ng malaking buwis.

Boycott Dusit Hotel

Nakakahindik.

Ito ang aking naging reaction sa balitang idinaos ng Department of Interior and Local Government (DILG) sa Dusit Thani Hotel ang hosting ng ASEAN Meeting Concerning Trafficking of Persons (TIP).

Magandang natutukan ng DILG at ng pamahalaan ang ganitong problema, pero bakit sa Dusit Thani Hotel ito ginawa?

Hindi ba alam ng DILG na kasalukuyang may panawagan ng iboykot ang naturang hotel dahil sa pagmamalabis ng management nito sa mga unyonista.

Puruhan ang West Philippine Sea

May mga nagsasabing hindi malakng usapin ang West Philippine Sea para sa mga pangkaraniwang Pilipino, na ang tutok ay ang pang-araw-araw na pangangailangan tulad ng pagkain, tirahan, trabaho at iba pa.

Pero sa aking pananaw hindi dapat isalansan ang isyu sa mga pang-araw-araw na pangangailangan ng mga Pilipino dahil magkaibang usapin ito bagamat may kaugnayan.

May mga nagtatanong naman na naghahanap daw ba ng away ang Pilpinas laban sa higanteng Intsik. Sabi nga ng barbero ko, mahirap na magkapikunan dahil tiyak na lalamunin tayo ng mga Intsik kapag nakipagrambol tayo sa kanila. Maging si Rambo, aniya, ay hindi kayang pumalag sa kanila dahil sa bilang pa lamang ng populasyon ay talo na tayo, idagdag pa ang lakas ng kanilang mga "tools".