Niluto ng Korte Suprema

Sabi nga ng Eraserheads, nakakatindig balahibo.

Ganito ang dating sa akin ng desisyon ng Korte Suprema nang balewalain nito ang Stock Distribution Option (SDO) na ipinamahagi ng Cojuangco family sa mga magsasaka kapalit ng lupa sanang ipapamudmod base sa agrarian reform law ng bansa at muling ipag-utos ang pagsasagawa ng referendum kung ano ang mas gusto ng mga magsasaka-stock certificates o lupa.

Chinese bully

Ano ba ang bullying? Sa salitang Pilipino ito ay puwedeng simpleng pang-aasar, pagsiga-sigaan, pagtataray o sa mga bading ay pang-o-okray.

Sino ba sa atin ang hindi nakaranas ng pang-aasar, ito man ay sa opisina, iskuwelahan o sa mall?

Ayon sa http://www.bullyonline.org ang dahilan ng bullying ay itago ang kakulangan. Isinasangkot ng mga siga ang ibang tao para mapagtakpan ang sariling kakulangan.

Ginagawa rin ito upang magkaroon ng dahilang maiwasan ang responsibilidad sa kanilang mga nagawa o ginagawa at ang epekto nito sa ibang tao. 

Western Philippine Sea

'Wag na wag ka raw makikipag-giyera sa China dahil sa dami  pa lang ng mamamayan nito ay talo ka na. Isipin mo naman kung ano ang mangyayari kung sabay-sabay na umihi ang mahigit isang bilyong tao sa tinatawag nilang South China Sea, eh di malamang tumaas ang tubig nito at ang epekto nito ay baha sa Pilipinas.

Ang panghe siguro!!!

Bokal

WTF!!!

Ito ang naging reaction ko habang  binabasa ko ang petition letter ng 90 Dusit Hotel workers na talakayin ng Supreme Court en banc ang desisyon ni Justice Presbitero Velasco ng 2nd Division ng Korte Suprema.

Ang unang pumasok sa isip ko ay iiyak ba ako o tatawa sa desisyon ni Justice Velasco na nagsabing ang pagpapakalbo ay puwedeng husgahan bilang illegal strike.

Ano raw?

Opo, ang pagpapakalbo ng mga manggagawa sa Dusit Thani Hotel ay katumbas ng illegal strike!!!

Aray!

Boy Scout Law

Nagtataka man ako kung bakit kailangan pang gumawa ng survey ni Vice President Jejomar Binay kung dapat o hindi ilibing ang dating diktador na si Ferdinand Marcos sa libingan ng mga bayani ay naniniwala akong tumpak na desisyon ang kanyang gagawain para sa Pilipinas.

Unang dahilan na naisip ko kung bakit hindi niya lalapastanganin ang buhay at dugong inialay ng mga lumaban kay Marcos ay dahil isang tunay na Boy Scout si Binay.

Alam kong may Scout Honor si Binay. Hindi ba't ilang beses na nating nakita si Binay na nakasuot ng uniporme ng boy scout. At walang boy scout na tatalikod sa Scout Law na ang unang batas ay "A SCOUT'S HONOUR IS TO BE TRUSTED". Dahil dito, masasabi kong may tiwala akong gagawain ni Binay ang tama.

Ang ikalawang batas ng scouting ay "A SCOUT IS LOYAL". Tapat si Binay. Bagamat napabalita nitong nakaraang halalan na nagkaroon siya ng ibang relasyon maliban sa kanyang asawa ay naniniwala akong sa huli, ang katapatan ni Binay sa kanyang bansa ang magwawagi. Eh ano, kung medyo malapit siya kay Cong. Salvador Escudero III, ang dating Agriculgure minister ni Marcos at siyang may akda ng resolution sa Mababang Kapulungan na ilibig si Marcos sa Libingan ng mga Bayani? Sa huli ang katapatan ni Binay sa mamamayan ang masusunod.

Kasambahay

Iba't-ibang karapatan ang ipinaglalaban ng iba't-ibang grupo. Karapatan sa pagkain, sa tubig, pabahay, pag-uunyon, sa pananalita, edukasyon, at marami pang iba.

Pero ang hindi nabibigayan pansin ay ang karapatan ng mga domestic workers. Dahil dito, masasabing pagtahak sa tamang landas ang layunin ni Akbayan representative Walden Bello na bumuo ng alyansa kasama ang ibang mambabatas sa Asya upang kilalanin ang karapatan ng mga kasambahay. 

“Especially because the Philippines sends out domestic workers en masse, the government must play a major part in the creation of a framework protecting domestic workers rights,” ani Walden ukol dito. 

Walden's Privilege speech re Oil Price

Narito ang privilege speech ni Akbayan Rep. Walden Bello nitong Marso 16, 2011 sa Mababang Kapulungan. Tinalakay ni Walden kung bakit mahalagang tutukan ng pamahalaan ni PNoy ang ekonomiya. Nagbigay muli si Walden ng ilang "unsolicited advice" sa pamahalaan kung paano maisasaayos ang ekonomiya.

Setting Fair Oil Prices for the Filipino People

A year after its election, the administration can point to the high economic growth rate, particularly in agriculture, as one of its achievements. 

However, perhaps more than economic growth, people prize economic stability, and the way things are going right now, there is a sense of things slipping out of control. The main challenge citizens want the administration to meet is, far and away, the economy.  And among the economic issues, inflation receives the highest priority as a problem that must be addressed by the government in a recent Pulse Asia survey, with some 53 per cent of respondents citing it.

Tawad

Nitong mga nakaraang linggo ay sumikip ang trapiko sa mga daaanang malapit sa malls. Ang siste ay kanya-kanyang gimik ang mga malls sa pagbibigay ng discount sa kanilang taunang "Summer Sale". Kaya ang dati'y tila nilalangaw na mga shopping mall ay pinutakte ng mga mamimili.

May ibang malls na nagmamayabang na hanggang 70 porsiyento ang diskuwento sa mga piling damit, gamit, at iba't ibang "branded" at "generic" goods.

OMG, nagresign si Merci

Nakapagnood ka na ba ng isang pelikulang tila napakaiksi at ang pakiramdam mo ay nabitin ka. O isang pelikulang sa sobrang haba ay natapos na walang wawa.

Ganito ang nangyari sa dagliaang pagbibitiw ni Merci.Tila bitin kasi nga ay papasok na sa Senate trial ang kaso ni Merci tapos nagbitiw bigla ang dating Ombudsman. Bitin di ba.

May pakiramdam naman na sa tagal ng laban na inilatag ni Merci at sa tapang na kanyang ipinakita, hindi dapat nauwi ito sa pagreresign. Nabitin tuloy ang madlang Pinoy.

Maharlika

Isa sa mga  pinasikat na salita ng yumaong diktador na si Ferdinand Marcos ang Maharlika, na hango sa Sanskrit na ang maaaring ang ibig sabihin ay mandirigma, mahal na likha, marangal o may dugong bughay.

Iminungkahi pa ni Marcos na ipalit sa pangalan ng bansa ang Maharlika, nakung natuloy malamang ang tawag sa ating ngayon ay Maharlikans, Maharlikanyo o Maharlikanya. Kung natuloy kito, naglaho ang bansag na Pinoy, ito ay malamang na naging Mahar o Mahor, Manyo o Manya. Puwede ring Manoy. Ang sama!


Sobrang gigil ni Marcos sa salitang Maharlika kaya'y napakaraming lansangan sa bansa ang kanyang ipinangalan dito. Maging mga kumpanya ng pamahalaan ay ipinangalan niya rito. Natatandaan ninyo ba ang Maharlika Broadcasting System? Ito ang Chan. 4 na ang tawag ngayon ay National Broadcasting Network.

May Maharlika Village, Maharlika bottled water, Maharlika jeans, Maharlika tops, Maharlika watch, Maharlika baller, Maharlika condoms, Maharlika bread, Maharlika rice, Maharlika salt, Maharlika calendar, Maharlika ekek, Maharlika churba, at iba pa.

Katunayan, sobrang adik nitong si Marcos sa salitang Maharlika kaya't inangkin pa niyang siya ang nanguna sa isang yunit ng mga gerilya noong ikalawang pangmundong digmaan na ang pangalan ay Maharlika. Nais sigurong ipakita ni Marcos na siya ay mandirigma. Isang bayani!

Pero nabuking ang Maharlika, este si Marcos.

Sa isang artikulo na inilimbag ng The New York Times noong Enero 23, 1986 na pinamagatang  "Marcos's Wartime Role Discredited in US Files", kitang kita na dinoktor lamang ni Marcos ang kanyang mga naging bahagi sa Maharlika Unit.

Bagamat totoong nagkaroon ng ganitong yunit ang mga gerilyang Pinoy, nadiskubre ng mga manunulat at mananaliksik na sina Jeff Gerth at Joel Brinkley na hindi naiguhit ni Marcos ang kanyang sarili bilang isang pinuno ng mga gerilya.
Katunayan, may mga pagkakataon pa na ang mga kasapi ng Maharlika ay nakipagkutsabaan sa mga Hapon.

Nainterview rin ng dalawa si Ray C. Hunt Jr., na nagsilbing Army Captain sa Pangasinan noong digmaan ay sinabi niyang, "Marcos was never the leader of a large guerilla organization. no way. Nothing like that could have happened without my knowledge."

Kung hindi totoo ito, ano ang totoo?

Base sa naranasan ko at nabasa ko ukol kay Marcos, mas maniniwala ako kay Hunt Jr.

Sino ba namang Pinoy ang maniniwala kay Marcos at sa kanyang pamilya? Wala naman di, ba? Maliban na lamang dun sa mga kongresistang pumirma na gustong malibing si Marcos sa Libingan ng mga Bayani.

Pero kung hindi siya naging lider ng mga gerilya, kailan siya naging bayani?

Wala lang, nagtatanong lang...