Bicol

An early morning  view of the majestic Mayon Volcano from the beach of
Brgy. Sogod in Bacacay, Albay.

Masuwerte ang mga Bicolano.

Ito ang naisip ko matapos bumisita sa Brgy. Sogod, Bacaycay, Albay kamakailan.

Lahat ng kailangan para umunlad ang nabanggit na rehiyon ay matatagpuan  kahit saang probinsiya ka pumunta.

Malawak na lupaing matataniman na pinalusog ng mga pagsabog ng iba't ibang bulkan. Mayaman ang mga bundok sa iba't ibang klase ng halaman, hayop, insekto at mga pananm. Maraming ilog na pagkukuhanan ng isda. At siyempre, napakalawak ng karagatang bumabalot sa rehiyong ito mula sa Masbate hanggang Albay.

English

Ngayon ang huling araw ng Agosto, ang buwan kung kailan ipinagdiriwang natin ang wikang Pilipino. Ang hindi ko alam ay kung ipinagdiriwang din ito sa Central Colleges of the Philippines (CCP). Taas noong ipinangangalandakan kasi ng paaralang ito na "CCP is an English speaking school". 

Pero isa lang ang maipagmamalaki ko, hindi ko kailanman  maipagyayabang na sa paaralang ito ako nagtapos. Ang unang dahilan ay hindi ko gamay ang wika ng mga kolonyalistang Amerikano kaya nga ang blog na ito ay nakasulat sa Pilipino.

Pero kapansin-pansin sa larawan sa itaas na ang dahilan kung bakit nila ito ginagawa ay upang ihanda ang kanilang mga graduates hindi para sa pagpapaunlad ng Pilipinas kungdi ng ibang bansa kung saan makakahanap ng trabaho umano ang mga inhinyero, arkitekto, business administrators, accountants at computer technicians na produkto ng CCP.

Save More, Puregold, Robinsons o Shopwise?

Bilang isang ama, kasama sa responsibilidad ko ang mag-grocery. 

Sa toto lang enjoy ako sa gawaing ito. Napipili ko kasi hindi lamang ang gusto kong bilihin kungdi maging ang mga pagkain na kinokumsumo sa bahay

Pero kung papipiliin ako ay hindi ako sa Savemore market ng SM mamimili. Una ay ayokong dagdagan ang kayaman ng mga may-ari nito na nagmula sa hirap at pawis ng mga contractual employees. Hindi nga ba't binansagang Contractual King si Henry Sy dahil halos wala yatang rank and file na nagiging regular sa kanyang mga tindahan.

Ito rin ang dahilan kung bakit wala akong SM Loyalty Card. Bakit ako magiging loyal sa isang negosyanteng hindi loyal sa kanyang manggagawa?

Winner take all

Isa sa mga pinakamahirap tamaan sa karera ng kabayo ay ang winner-take-all. Ang dahilan ay kailangan mong mapili ang lahat ng mananalo sa mga karerang pinaglalabanan sa isang araw. Kung hindi ako nagkakamali ay kailangang mapili ng isang "investor" ang lahat ng mananalo sa siyam na karera.

Dahil dito, kakaunting tao pa lamang ang aking nakikilala na nanalo ng WTA. Isa rito ay si Dodie Gonzales, ang dating tipster ng nagsarang Tumbok at ngayon ay nagbibigay ng tip sa Bandera.

Malaki ang ganansiya kapag nadali mo ang WTA, lalong-lalo na sa pulitika.

Kung sa karera ang WTA ay puwedeng mapanalunan ng higit sa isang tao, sa halalan palaging isa lamang ang nanalo maliban sa mga bumubuo sa municipal at city councils o sa  provincial board.

Makulit na pasaway pa

click image to watch the youtube video

Makulit ang tawag sa mga taong paulit-ulit. Kaya kadalasan kapag may barkada tayong laging nagtatanong ang tawag natin ay "Kulit" at sinisigawan nating "Ang kulit mo naman eh."

Puwede ring tawaging makulit ang mga taong ayaw paawat pero sa positibong pamamaraan. Tipong mga komedyante. At kapag ganito ang sitwasyon ang nababanggit natin ay "Ang saya, ang kulit, nakakatawa." Parang yong comedian sa video. Makulit.

Kung minsan ay mga makukulit ay tinatawag naman nating pasaway. Ang dahilan ay dahil sa paulit-ulit nating pagsaway ay tayo ang nagiging makulit.

Filipino

Nasa P20 paper bill na ito si Manuel L. Quezon, ang itinuturing na ama ng wikang Pilipino. Astig itong si Manuel L. Quezon dahil noong panahong hawak sa leeg ng mga Amerikano ang Pilipinas ay ipinaglaban niyang magkaroon tayo ng sariling wika. Ang totoo ay sa saligang batas ng Pilipinas noong 1937 naging batas na magkaroon ng wikang Pilipino.

Yes, ate at kuya, si Manuel ang reason why we celebrate Linggo ng Wika tuwing Agosto. 

When I was young, tinatanong ko kung why we have to celebrate Linggo ng Wika. Parang "Why celebrate something so natural?" Bulakenyo kasi ako kaya hindi ko naisip na may iba pang wikang Pilipino.

Eh ang reasons pala to celebrate ay upang sariwain natin kung paano natin dapat i-embrace and use our language.

Ulan at kape

"LIKE" ko ang tag-ulan kaysa sa tag-araw. 

Bakit kamo?

Kapag umuulan, masarap matulog. Habang nakahiga ka ay tila ipinaghehele ka ng bawat patak na tumatama sa bubong at hinahabol ng guni-guni mo ang musikang nabubuo sa bawat kalampag at tikatik nito.

Masarap ding kumain kapag umuulan lalu na kung ang ulam ay may sabaw. Nilagang baka, pata ng baboy o kaya'y sinampalukang manok. Panalo. Plus one ika nga sa Google+ o kaya'y like kung sa Facebook.

Black Gold

Kadalasang nagsisimula ang araw ko sa pag-inom ng mainit na brewed barakong kape. At kadalasan ding nagwawakas ang araw ko sa pamamagitan ng isa pang mug ng matapang na barakong kape. Lalu ngayong tag-ulan, napakasarap uminom ng kape.

Nito lamang Sabado nang dumalaw ako sa Lipa City para sa isang seminar, nag-uwi ng isang kilong barako, ang pinakapaborito kong kape. Sa tantiya ko, umaabot lamang ng isang buwan ang isang kilong kape sa bahay at kung minsan ay kapos pa nga laluna't makikiinom ang mga kapitbahay kapag nalanghap nila ang napakabangong amoy ng barakong kape.

Kaya't sinasamantala ko ang mga pagkakataon na puwede akong magpabili ng Kape sa Batangas o maging sa Baguio na kung saan mabibili ang mga "high land" coffee mula sa Banawe at Sagada.

Astig

Nakakatuwa na may mga kongresistang tulad nina Walden Bello at Atty. Kaka Bag-ao na tumatayo at ipinaglalaban ang ating kasarinlan.

Isang halimbawa nito ay pagbisita ng dalawa kasama ang ilang opisyal ng pamahalaan at militar sa Pag-asa Island sa kabila ng pananakot ng mga Intsik na makakaapekto ito sa relasyon ng dalawang bansa.

Nakakatawa dahil bakit kokontrahin ng mga Instik ang pagpunta ng mga Pinoy officials sa naturang lugar na sakop naman natin. Nagmukha tuloy engot ang mga singkit.

Dahil sa Spratly issue napatampok ng dalawang kongresista na hindi lamang dapat sa salita ipinapakita ang pagmamahal sa bansa kungdi sa aksyon.

Astig kong itinuturing si Walden at Kaka

Magulo

Narito ang legal notes ni Akbayan Rep. Kaka Bag-ao upang linawin ang magulong desisyon ng Korte Suprema ukol sa usapin ng Hacienda Luisita.

Void or Valid? : The legal acrobatics of the Supreme Court decision in Hacienda Luisita
By Akbayan Rep. Kaka Bag-ao

Decision or Confusion?

In its decision dated July 5, 2011, the Supreme Court affirmed the resolution of the Presidential Agrarian Reform Council (PARC) revoking the Stock Distribution Plan (SDP) of the Hacienda Luisita Inc. (HLI). At first glance, it may seem that the decision is a victory for the farmers. However, a close reading of the lengthy decision will show that it leaves much to be desired.

To be fair, the decision did have some positive aspects.  It made an assertion that the revocation of the SDP is not an intra-corporate dispute and that the SDOA is a special contract imbued with public interest and is primarily governed by the provisions of RA 6657.

Ituloy ang rebolusyong Magdiwang

IPINAGDIWANG kahapon Hulyo 7 ang ika-119 na anibersaryo ng Katipunan o ang Kataastaasan Kagalanggalangang Katipunan ng mga Anak ng Bayan, ang rebolusyonaryong samahang itinatag ni Andres Bonifacio upang palayasin ang mga mananakop na Kastila.

Tatlo ang layunin ng Katipunan at pangunahin dito ay ang pampulitikang layuning makalaya sa pananakop ng mga Kastila matapos magdeklara ng kalayaan.

Isa pang layunin ng Katipunan ay ang ituro sa mga Pilipino ang magandang asal at bantayan ang mga sarili laban sa panatisismong relihiyon.

Pangungumpisal at si Rizal

Mayroon akong ikukumpisal. Hindi kay Padre Damaso kungdi sa mga kapwa ko Pilipino.


Hindi ako komportable na tawaging bayani si Rizal. Hindi ko rin tinitingnan na dapat siyang ituring na pambansang bayani ng Pilipinas.


Oo, magaling siyang manunulat. Napakabibo nga niya dahil maliban sa pagiging manunulat, isa rin siyang iskulptor, linguist, doktor sa mata, painter at posibleng magaling din siyang chef. Kung nabubuhay si Rizal ngayon, malamang na na-perpekto na niya ang sining ng multi-tasking.


Pero, bayani?

Kaibigan?

Laging nababanggit ang katagang "If you have a friend like the United States, you don't need enemies."

At sang-ayon ako rito.

Hindi totoong kaibigan ang Estados Unidos dahil ang palagi nitong inuuna ay ang sarili nitong interest.

Kaysa tulungan ang Pilipinas ay nabansot lamang ang ekonomiya at pulitika ng ating  bansa. Tandaan nating inubos ng US ang ating likas na yaman at sinuportahan ng kanilang pamahalaan ang diktadura ni Ferdinand Marcos.

Kaya't nang nabasa ko ang quote mula kay US Ambassador Harry Thomas ukol sa pagsuporta ng kaniyang bansa sa usapin ng Spratly, hindi ako nagtaka.

Singilan na

May dahilan ang mga magsasaka na singilin ang pamahalaan ukol sa reporma sa lupa dahil libo-libong ektaryang lupa ang hindi naipamahagi ng pamahalaan bagamat may batas tulad ng Comprehensive Agrarian Reform Law (CARL). At kahit nagkaroon ng extension ang batas sa ilalim ng Carper, 997,728 ektaryang lupa ang nananatiling nasa kamay ng mga landowners.

Ang masakit pa rito, kaysa ipaglaban ng mga nakaraang pamahalaan ang pamumodmod ng lupa base sa CARL, mismong ang pamahalaan ang gumagawa ng paraan upang hindi maipamahagi ang mga lupa.

Sinto-sinto si Jojo?

Sa darating na Nobyembre 11 ay 69 years old na si Vice President Jejomar Binay. Opo, nalampasan na ng sobra-sobra ni Jojo ang mga puwedeng pagpilian sa lotto. Kahit sa Grand Lotto ay hindi na puwedeng tayaan ang edad ni bise presidente.


Hindi lang siya lolo o senior citizen, isa na siyang super lolo. Sisentay nuwebe na ang edad niya. At sa ganitong edad ay asahan na nating kung ano-ano ang puwedeng maramdaman ng isang lolo.

Kahirapan sa gitna ng kayamanan

Rich Resources, Poor Protection; Poverty Amidst Wealth: The Philippine Fisheries Resources And The Filipino Fisherfolks

Privilege Speech of Rep. Kaka Bag-ao, AKBAYAN Partylist

Delivered on May 30, 2011 / Plenary Hall, House of Representatives

Mga ginagalang kong kapwa mambabatas, magandang gabi sa inyong lahat. Today, I rise on a matter of personal and collective privilege, to speak on behalf of one of the poorest sectors of our society, the Filipino fisherfolks. It is an opportune time to raise the concerns of the fisherfolks of our country today as we are already at the tail-end of the month of May, which was declared as Ocean Month by virtue of Presidential Proclamation No. 57 series of 1999.

As an archipelago, the Philippines has an estimated 2.2 million square kilometres of sea and around 18,000 kilometers of coastline. It is blessed with abundant marine and aquatic resources that are rich in bio-diversity and value.  Our seas, rivers and lakes are among our country’s coveted wealth that has made us among the world’s largest 40 fish producing countries. In fact, we have been in the honor roll in terms of the world’s production of fish, crustaceans, molluscs, and aquatic plants where we ranked 8^th in 2003 and in 2006, and our lowest is rank 14 in 1997.

Bicol Express

Photo by http://www.thepoc.net 

"Subukan natin ang Bicol Express."

Ito ang hamon sa akin ng isang kaibigan habang nagkukuwentuhan over beers kamakailan.

Sabi ko sa kanya ay hindi ako mahilig sa maaanghan pero puwedeng subukang pulutan. "Umorder ka na," tugon ko.

Pero hindi pala ang Bicol Express na pagkain ang tinutukoy ng kaibigan ko kungdi ang PNR train na simula sa Hulyo ay bibiyahe mula Tutuban hanggang Naga City.

Katunayan ilang piling media practitioners ang kamakailan ang naka-buena mano sa biyaheng Bicol nito lamang Mayo 22.

Hindi brand new ang mga trains kungdi donations mula sa Japan. Pero para sa PNR, puwede na ito sa pagtakbo ng mga regular trips papuntang Bicol at pabalik dito sa Metro Manila.

Nitong Mayo 29 ay muling nagsagawa ng trial run ang PNR at mula Maynila hanggang Bicol ay 10 oras lamang ang tinagal ng biyahe.

Pero para sa mga kabababayan nating uragon, malaking biyaya ang pagbabalik ng train service na ito matapos na mahinto sanhi ng pinsalang idinulot ng mga bagyong Milenyo at Reming.

Ang maganda pa sa mga bagong train ay mayroong coaches at solo cabins. Para sa mga gustong makaranas ng biyaheng Bicol, may promo ang PNR at ang Manila to Naga fare ay P500 para sa reclining coaches, P700 to P800 sa mga sleeper coaches at  P1,000 to P1,400 for the VIP o solo cabins.

Photo by http://www.thepoc.net 

Mura na, nakapamasyal ka pa. At airconditioned ang mga coaches.

At upang masiguro ang seguridad sa biyahe, may mga security guards sa train.

Hindi ka rin magugutom kung nalimutang magdala ng pagkatain dahil may mga dining carts sa train.

Ano pa ang hinihinay mo?

Mag-Bicol Express na!!!

Fish be with you

Ano ang paborito mong isda? O ano ang paborito mong pagkain na may kasamang isda?

Dahil Bulakenyo ako, ang paborito ko ay paksiw na bangus na ang ginamit na suka ay ang nangingitim sa asim  mula sa Paombong. Dagdagan mo ito ng konting asin, luya, bawang at sili. Langit na di ba? Kung minsan ay sinasahugan ng ampalaya o talong para sa dagdag na lasa. Malasa rin ang ulo ng bangus, lalo na yong mata. Sarap sipsipin.

Ha ha ha.

Si Manny, Si Rose, Si Krista at ang RH Bill

Tulad ng milyon-milyong Pinoy, idol ko si Manny Pacquiao. Hindi maitatanggi na pambihira siya. TNL, anila. Walang inuurungan, walang sinasanto, lahat nilalabanan. At dahil dito, limpak-limpak na salapi ang kanyang kinita. Hindi nga ba't kamakailan ay napabalitang ang Pinoy boxer ang highest paid professional athlete sa buong mundo. Paldo!!! 

Bagamat hindi ako sang-ayon na pumasok siya sa pulitika, iginalang ko ito kahit na alam kong ang kanyang pagpasok dito ay bunsod ng kanyang pagiging malapit kay GMA, kay Singson at maging kay Lito Atienza, ang dating mayor ng Lungsod ng Maynila. Bigatin!!!

Katunayan sinuportahan pa ni Pacquiao ang pambata ng Malakanyang nitong nakaraang halalan. Nahalata tuloy ang koneksyon ni Villar kay Gloria kaya't lalong kumapit ang bansag na Villaroyo.

Mabuting Pilipino!

Ang nilalaman ng blog na ito ay hango mula sa blog na may pamagat na TARAGIS NA BUHAY 'TO…

Tugmang-tugma ito sa mga hamon sa ating lipunan sa panahon na hinahamon ang ating motibasyon at political will upang labanan ang korapsyon sa bansa lalupa't kamakailan ay lumabas ang nakakapanghinang desisyon na sinang-ayunan ng Sandiganbayan ang plea bargain agreement kay Gen. Carlos Garcia...